Excarcerados os dous ocupantes dun turismo que envorcou na Estrada
Os xestores de emerxencias comunicáronse cos afectados a través do sistema de aviso do vehículo eCall
Imaxe cedida
Os dous ocupantes dun turismo, de idade avanzada, foron excarcerados este domingo tras envorcar o seu vehículo na Estrada, segundo informou o 112 Galicia.
Os xestores de emerxencias comunicáronse cos afectados a través do sistema de aviso do vehículo eCall.
Foi así como coñeceron que estaban atrapados no interior do coche e que envorcaran na parroquia de Ribeira cara ás 15 horas.
O 112 pediu a colaboración dos Bombeiros do Deza e dos membros do GES da Estrada.
Unha vez fóra do vehículo, ambos foron atendidos polo equipo de Urxencias Sanitarias de Galicia-061, que se encargou do seu traslado posterior en senllas ambulancias, nas que ían conscientes.
No operativo tamén colaboraron os axentes da Garda Civil de Tráfico e os membros do Servizo Municipal de Protección Civil da localidade.
Imaxe cedida
