Evacuado en helicóptero un traballador das illas Cíes por un posible ictus

Un traballador dun servizo de hostalería das illas Cíes tivo que ser evacuado en helicóptero tras presentar síntomas compatibles cun ictus. O suceso produciuse a última hora da xornada do domingo e o servizo de enfermería do Parque Nacional foron os encargados de realizar a primeira valoración clínica e estabilizaron á persoa afectada.

Os servizos de emerxencias determinaron a necesidade dunha evacuación aérea urxente ante a gravidade potencial dos síntomas e a importancia de garantir a atención hospitalaria especializada no menor tempo posible.

Ata o punto foi mobilizado o helicóptero Pesca 1 de Gardacostas de Galicia, que evacuou o home ao Hospital Álvaro Cunqueiro de Vigo.