Evacuadas dúas persoas por un incendio nun piso dun edificio de seis andares en Vilagarcía

Os bombeiros sufocaron un incendio no interior dunha vivenda en Vilagarcía de Arousa. Sucedeu ás 03:45 horas deste martes no número catro da rúa San Roque. Foi un particular o que alertou do sucedido e afirmou que se atopaba no balcón.

O lume iniciouse na entrada da vivenda, ardeu o cadro eléctrico e diversos mobles e por iso a persoa se refuxiou no balcón. Tivo que ser evacuada e foi trasladada ata o hospital do Salnés por inhalación de fume.

Unha vez chega a dotación atopan unha muller pedindo auxilio desde unha terraza da cal sae gran cantidade de gases. De inmediato, facendo uso do camión autoescalera do servizo procedeuse ao rescate desta muller e foi evacuada pola fachada. Tamén foi evacuada polo interior do edificio outra persoa dun sexto piso.

O lume produciu unha importante cantidade de gases, que se estenderon por todo o piso e polas escaleiras do edifcio. O corredor da vivenda quedou moi afectado por lume directo, producindo descorchamentos no revestimento das paredes.

Debido á cantidade de gases acumulados (tóxicos e nula visibilidade) optouse polo confinamento dos demais ocupantes do edificio.