Este domingo o prezo da luz está a custo cero desde as oito da mañá ata as nove da noite
O prezo do MW/h descende respecto a onte en máis dun 35 por cento
O prezo medio da luz este domingo 18 de maio irá desde os 6,76 euros MW/h aos 11,99 euros
A tarifa eléctrica está á baixa. Este domingo haberá trece horas de luz a custe cero, segundo informa o Operador do Mercado Ibérico de Enerxía.
O prezo será baixo durante todo o día, pero especialmente desde as 8 da mañá ata as nove da noite; horas nas que do MW/h z está a custo cero.
Iso non quere dicir que para o consumidor o prezo final nesas horas sexa en negativo ou cero. Hai que ter en conta que existen uns custos fixos para o consumidor. En calquera caso, o prezo do MW/hora descende respecto a onte en máis dun 35 por cento.
O prezo medio da luz este domingo 18 de maio irá desde os 6,76 euros MW/h aos 11,99 euros. Esta baixada non lles afecta aos consumidores que están acollidos á tarifa regulada, á que se poden acoller os consumidores que teñen contratada unha potencia inferior ou igual a 10 kW/h. A esta tarifa poden acollerse a maioría dos fogares españois.
No mercado regulado, a tarifa está rexida polo Goberno e os prezos son máis estables pero non admiten as ofertas nin os descontos, que ofertan as operadoras do mercado libre, no que o prezo do MW/h varía a diario.
