Estafan 1.800 euros nunha tenda da Coruña cunha simple chamada telefónica

Aconteceu nunha tenda de lambetadas do barrio coruñés de Matogrande. Os estafadores chamaron por teléfono facéndose pasar por unha empresa de transporte coa que traballan habitualmente aproveitando que ese día a propietaria do negocio non fora traballar. Deste xeito lograron estafarlle 1.800 euros.

Tan só nove días antes xa foran obxecto dun intento de roubo similar. Tras poñer a denuncia souberon que, empregando o seu número de teléfono, estafaron outros negocios da cidade e de fóra. A Policía Nacional xa abriu unha investigación.