Estabilizado un incendio en Palas de Rei tras queimar unha 20 hectáreas
O lume iniciouse na parroquia de Cuíña pouco antes das 18:00 horas deste domingo
Un helicóptero antiincendios nunha imaxe de arquivo
Un incendio forestal declarado pouco antes das 18:00 horas deste domingo no concello de Palas de Rei está estabilizado tras queimar unhas 20 hectáreas, segundo informa a Consellería do Medio Rural.
Para a súa extinción mobilizáronse, polo momento, 4 técnicos, 8 axentes, 13 brigadas, 12 motobombas, 1 pa, 3 helicópteros e 8 avións. O lume iniciouse na parroquia de Cuíña.
A Xunta lembra que está ao dispor da cidadanía o número de teléfono gratuíto 085, ao que deben chamar en caso de detectar algún lume forestal, así como a aplicación ALume para avisar sobre estes incendios.
Ademais, existe un teléfono anónimo e de balde para denunciar calquera actividade delituosa incendiaria da que se teña sospeita ou coñecemento: 900 815 085.
