Máxima vixilancia ante a reactivación de varios focos nos incendios de Zamora, Ávila, Cáceres e Castelló

Máxima vixilancia ante a reactivación de varios focos nos incendios de Zamora, Ávila, Cáceres e Castelló. Este ano a superficie queimada alcanzou xa as 186.544 hectáreas forestais calcinadas, fronte ás algo máis de 33.000 hectáreas no mesmo período de 2025. 

Foron horas moi complicadas na loita contra os lumes en varios puntos de España.

Bombeiros e a Unidade Militar de Emerxencias traballaban para deter as lapas, evacuar a veciñanza das zonas afectadas e rescatar animais.

En Cáceres, o incendio declarado na localidade de Casas de Millán segue activo, pero foi perdendo forza e está en vías de estabilización, tras unha noite de traballo sen descanso para os equipos de Extinción. 

Co 70 % perimetrado, as 800 personas evacuadas en Casas de Millán e en Grimaldo puideron volver ás súas casas, aínda que deberán quedar confinadas. 

Hai unhas 1.500 hectáreas e 20 quilómetros de perímetro de superficie afectada.

"A noite foi moi dura, a partir das tres e media o vento calmou iso permitiu atacar o incendio, a partir das catro da mañá púidose  cortar a progresión do lume que avanzaba moi rápido por ese vento", di o vicepresidente e conselleiro de Presidencia da Junta de Estremadura, Abel Bautista.

A reactivación de varios focos nos incendios de Ávila, Comunidade de Madrid, Zamora e Castelló concentra os traballos para estabilizar os lumes que se rexistran desde hai varios días nesas zonas de España. 

Uns 56 bombeiros alemáns e un convoi composto por 21 vehículos de emerxencia e tres remolques, cargados con material de extinción, equipos de comunicacións e recursos loxísticos axudaron nos incendios de Zamora.

A pesar dos esforzos en moitos municipios de España, as lapas deixaron ao seu paso imaxes desoladoras coma estas.