España toca o ceo no Mundial feminino
A galega Tere Abelleira foi titular e xogou todo o partido
Olga Carmona marca o gol que vale o título mundial no minuto 29 de partido
A selección española feminina fixo historia ao gañar o título mundial. A vitoria por 1-0 diante de Inglaterra queda no libro de ouro do fútbol español, a carón da vitoria de 2010 do equipo masculino. Tere Abelleira xogou todo o encontro e a pontevedresa tocou o ceo deportivo.
O partido decidiuse cun gol de Olga Carmona no minuto 29 do primeiro tempo despois dunha media hora en que houbo ocasións para os dous equipos.
🤩𝗢𝗢𝗢𝗢𝗢𝗢𝗢𝗢𝗢𝗢𝗢𝗢𝗢𝗟𝗚𝗔 𝗗𝗘 𝗠𝗜 𝗩𝗜𝗗𝗔
— Teledeporte (@teledeporte) August 20, 2023
GOLAZO SENSACIONAL que pone a la @SEFutbolFem un paso más cerca del #MundialRTVE
🇪🇸 ᴠᴀᴍᴏs ᴇsᴘᴀñᴀ 🇪🇸 pic.twitter.com/Rnxb525Chx
No último minuto da primeira metade Salma Paralluelo mandou un remate ao poste que puido poñer o 2-0 no marcador. España baseou o seu éxito no traballo defensivo. E mesmo puido marcar un segundo gol nun penalti por man de Walsh pero que Jenni Hermoso non puido aproveitar.
😭 ¡Falló Jenni Hermoso!
— Teledeporte (@teledeporte) August 20, 2023
¡Mary Earps mantiene con vida las esperanzas de Inglaterra en la final! #MundialRTVE
💪🇪🇸 ¡Hay que seguir luchando 20 minutos más! ¡Vamos España! pic.twitter.com/RZfiS1vQhw
O final resultou agónico. Engadíronse trece minutos, pero as inglesas non atoparon o xeito de crear perigo na portería de Cata Coll.
