Joselu participa do festival goleador de España ante Chipre (6-0)

Non foi o recital futbolístico de Xeorxia, pero España gañou con comodidade a Chipre (6-0) e comeza a remendar o mal inicio da fase de clasificación para a Eurocopa de 2024. Con catro partidos, ocupa o segundo posto, lonxe aínda de Escocia (ten un partido máis) e con Noruega seguíndoa de preto (tamén cun partido máis). 

De la Fuente confiou de inicio no adolescente Lamine Yamal (16 anos) a carón de Morata e Nico Williams, mancado antes do descanso. Os goles de Gavi e de Mikel Merino deixaban ás claras a superioridade dunha selección española á que lle anularon un tanto por fóra de xogo de Morata. 

🔥¡GOOOOL de España! #SelecciónRTVE

🪖Mikel Merino entra como un elefante en una cacharrería para rematar el centro milimétrico de Nico Williams

🔴https://t.co/EjeIolGxJT pic.twitter.com/gRbRg70xKt

— Teledeporte (@teledeporte) September 12, 2023

O de Silleda Joselu Mato entrou na segunda metade en substitución de Morata. Non lle fixo falta tocar moitos balóns. Avisou cun remate cruzado e no 70 anotou cunha cabezada marca da casa. 

🔥¿¿Pero dónde has puesto la cabeza, Joselu?? #SelecciónRTVE

Volando raso para marcar el tercero en la cuenta de Españahttps://t.co/EjeIolH5zr pic.twitter.com/oVh0iOfiWJ

— Teledeporte (@teledeporte) September 12, 2023

Chipre baixou os brazos e España aproveitou para redondear a goleada. Ferrán Torres (2) e o debutante Álex Baena marcaron no espazo de dez minutos e pecharon a goleada. O vindeiro partido, na casa e contra Escocia (12 de outubro), será determinante para o futuro da selección española nesta fase de clasificación.