Esixen a limpeza dunha parcela abandonada porque os ratos entran nas vivendas

Os veciños da avenida de Ourense en Cangas quéixanse do estado dunha parcela no centro da vila. Converteuse nunha selva porque leva tempo abandonada. Unha situación á que se suma a sucidade que deixa o río que pasa por ela.  

A peor parte lévana os veciños do inmoble lindeiro. Aseguran que os ratos cóanse nas súas vivendas e están fartos de vivir así.

Na parcela ían construír un inmoble pero finalmente non foi así. Os veciños pensan que está en mans dun banco. Ante o seu estado de abandono piden que o Concello esixa responsabilidades e solucións aos propietarios.

Os veciños agardan solucións urxentes, porque vivir nesta situación é para eles moi desagradable.