Escolares de Barbadás coñecen e proban os produtos locais e de proximidade

Na actividade 'Come local' os escolares do Ruxidoiro de Barbadás coñecen e proban as variedades de aceite de oliva virxe extra e puideron probalo co pan de Cea. 

Aprenden a comer de xeito saudable e a valorar os produtos máis próximos. Neste colexio tamén contan coa súa propia horta.

Plantan e cultivan as súas hortalizas e froitas e despois din que poñen en práctica os seus coñecementos na casa. 

Agora só queda agardar a ver se teñen unha boa colleita. Con este proxecto de educación e alimentación saudable mellorarán os seus hábitos alimentarios.