Escenario complicado para o Liceo, que visita a pista do Barcelos, vixente campión de Europa

O Liceo ten un escenario complicado no seu intento de manter o pleno no Grupo B, xa que visita ao campión de Europa, o Barcelos, que chega ferido tras caer na estrea da defensa do título ante o Sporting (4-3).

Dava Torres: "Vai ser importante gañar porque vai estar o grupo igualado. Imos con moita ilusión".

O Liceo, pola súa banda, tirou de experiencia e madurez para dobregar ao Oliveirense en Riazor (3-2), sumando tres puntos de ouro nun esixente grupo onde cada detalle pode resultar decisivo na loita por un billete entre os oito mellores de Europa.