Excarcerado un home de 63 anos tras envorcar un todo terreo en Bande

Os Bombeiros de Muíños tiveron que excarcerar un home de 63 anos que quedara atrapado no interior dun todo terreo accidentado no núcleo das Campiñas, no concello de Bande.

Segundo informa o 112, o sinistro rexistrouse ás 11:00 horas. Por razóns aínda sen determinar, o vehículo foise da vía e subiu por un muro antes de envorcar. O condutor quedou preso polos brazos.

Imaxe cedida

No operativo participaron tamén axentes da Garda Civil de Tráfico e voluntariado de Protección Civil. Tras o golpe, o coche deixou unha vertedura de aceite na estrada.

Imaxe cedida