Os cemiterios enchénse de flores no Día de Todos os Santos
Os galegos manteñen viva unha tradición que nos conecta cos seres queridos que xa non están
Rosalía de Castro expresou o seu desexo de ser soterrada no cemiterio de Adina nun dos poemas de Follas Novas. Neste camposanto, situado tras a igrexa de Iria Flavia, unha das máis antigas de Galicia, o Día de Todos os Santos deixou un regueiro de flores e momentos íntimos, de lembranza e agarimo polos que faltan.
Os restos da escritora permaceron neste lugar ata o seu traslado ao Panteón de Galegos e Galegas Ilustres en 1891. Rosalía non comparte sepultura co seu marido, Manuel Murguía, que descansa no cemiterio coruñés de Santo Amaro, lugar de memoria e homenaxe nun día no que quizais notamos máis o peso das ausencias.
"Penso que é un modo de transmitir que a vida continua, que temos moito que facer e que as peroas que non están seguen estando aquí connosco e nos acompañan moito", di unha muller que entra en Santo Amaro cun ramo floral.
