Epifanio espera un Barça "enrabietado" tras a súa eliminación europea

Diego Epifanio, adestrador do Leyma Básquet Coruña, espera un Barça “enrabietado” tras perder onte á noite o quinto e definitivo partido dos cuartos de final da Euroliga fronte ao Mónaco.

“Imaxino que virán con moitas ganas de esquecerse rápido diso para tentar defender o factor cancha no playoff da ACB. Desexaba con todas as miñas ganas que onte gañasen porque puidesen vir doutra maneira, con outro espírito. Agora virán moi 'enrabietados'”, sinalou en conferencia de prensa.

O técnico laranxa non cre que lles pase “factura” o desgaste físico provocado pola a esixente serie ante o conxunto francés. “É un equipo moi físico, por encima da media dos equipos”, indicou Epifanio, para quen as opcións de sorpresa do seu equipo pasan por xogar “moi ben” en ataque e “aguantar” o seu nivel físico.

“Son moi bos no un contra un, moi físicos e rómpenche moito o 'timing'. Aí está o recordo do partido da primeira volta, no que empezamos moi ben pero en canto perdemos balóns matáronnos nos primeiros segundos”, lembrou.

O preparador do Coruña lamentou que o equipo azulgrá perdese onte á noite o seu pase á final a 4 da Euroliga “tendo a última bóla” para gañar na pista do Mónaco. 

O técnico laranxa confirmou que Trey Thompkins, que se recupera dunha lesión de xeonllo, non chega ao partido e desvelou que o pivote Augusto Lima é dúbida “por unhas molestias” que lle impediron adestrar o martes