O catalán Carles Marco será o adestrador do Leyma a próxima temporada

O técnico catalán Carles Marco será o adestrador do Leyma a próxima temporada.  Marco ten experiencia na LEB, onde dirixiu o Oviedo, o Palencia e o Xirona. Nos últimos tres anos exerceu de axudante de Dusko Ivanovic no Estrela Roxa e de Roger Grimau no Barça a temporada pasada.

Na actualidade é o axudante de Tiago Splitter no Paris Basketball, equipo revelación na presente edición da Euroliga e que se atopa inmerso na loita polo título da competición francesa.