Envorca co seu coche en Boiro tras escapar da Garda Civil

Un condutor sufriu esta mañá un accidente en Escarabote, Boiro, cando escapaba da Garda Civil despois de que unha patrulla lle dera o alto. Na fuxida envorcou co seu coche na vila e despois conseguiu continuar a pé.

Os feitos sucederon logo de que a Garda Civil observara un vehículo que realizaba manobras estrañas. En canto se viu perseguido o condutor emprendeu a fuxida e acabou envorcando. O home, que escapou do lugar correndo xa está localizado.