Entrégase o asasino da súa parella en Sevilla tras horas atrincheirado
Francisco Toscano, de 56 anos, saíu da vivenda na mañá deste domingo tras os labores de mediación dos axentes da Garda Civil
Un home mata a puñaladas a súa parella en Sevilla e atrinchéirase nunha casa
EFE
O suposto autor de matar a puñaladas a súa parella, unha muller de 47 anos,en La Campana (Sevilla), entregouse este domingo á Garda Civil despois de permanecer atrincheirado durante horas na súa vivenda desta localidade.
Segundo informou o subdelegado do Gobierno en Sevilla, Francisco Toscano, este home, de 56 anos, saíu da vivenda na mañá deste domingo tras os labores de mediación dos axentes da Garda Civil.
O home está a ser atendido, custodiado pola Garda Civil, das importantes lesións que se inflixiu, segundo sinalou Toscano.
As vítimas da violencia machista e a súa contorna poden pedir axuda en distintos recursos activos todos os días da semana e as 24 horas do día: o teléfono 016, o correo electrónico 016-online@igualdad.gob.es e a canle do WhatsApp no número 600 000 016.
O teléfono de atención da Xunta de Galicia contra a violencia machista é o 900 400 273. É gratuíto e anónimo, non deixa rastro na factura telefónica, funciona as 24 horas do día e ten cobertura en toda Galicia.
Nunha situación de emerxencia pódese chamar ao 112 ou aos teléfonos de emerxencias da Policía Nacional (091) e da Garda Civil (062) e, se non é posible facer esa chamada, en caso de perigo existe tamén a opción de activar a aplicación ALERTCOPS, que envía un sinal de alerta á Policía con xeolocalización.
