Entrega dos Premios Innovatech FP

Este mediodía entregáronse en Culleredo os Premios Innovatech FP 2025, que recoñecen os proxectos de formación profesional que mellor responden a unha serie de desafíos propostos por marcas relevantes en distintos sectores.

Nesta segunda edición dobrouse o número de compañías implicadas do ano pasado, chegando ata as vinte. Presidiu a entrega o conselleiro de Educación, que salientou a importancia estratéxica que a FP ten para a Xunta. Román Rodríguez adiantou que o Executivo galego traballa xa nun novo decreto da formación profesional.