En Outeiro de Rei a poboación moza aumentou nun trinta por cento nos últimos vinte anos
Servizos de conciliación familiar e actividades especialmente deseñadas para os cativos anima a moitas familias con nenos a establecerse nesta localidade lucense
Contrasta coa tendencia maioritaria en Galicia, onde case na metade das aldeas non hai rapaces
Os nenos son en Outeiro de Rei o centro de atención. Comenta unha veciña que "sempre hai actividades para os nenos". O alcalde, José Pardo Lombao, di que "nós co programa de conciliación que temos desde os tres meses ata os doce anos lles facilitamos un pouco a vida"
De aí que a cantidade de mozos aumentara nun trinta por cento nos últimos vinte anos. No barrio de Santa Isabel son case a cuarta parte dos residentes.
Coinciden varios veciños da zona en sinalar que "hai moita tranquilidade e os servizos son estupendos", "hai moita xente moza e ademais está moi ben situado porque tes Lugo ao lado".
Contrasta coa tendencia máis frecuente en Galicia, onde case na metade das aldeas xa non hai nenos.
.png)
