En liberdade provisional o mozo detido pola agresión que provocou disturbios en Torre Pacheco
Pasou case tres semanas no cárcere de Martutene e foi condenado por outro intento de roubo
Enfróntase a medidas cautelares como a retirada do pasaporte e a prohibición de regresar a Torre Pacheco
Europa Press / Martín C.
Queda en liberdade provisional o mozo de 19 anos detido o pasado 14 de xullo en Gipúscoa pola agresión a un veciño de Torre Pacheco.
Este ataque desatou unha vaga de disturbios racistas nese municipio murciano.
A xuíza do xulgado de San Javier impúxolle a prohibición de achegarse a menos de 500 metros ou comunicarse coa vítima, a prohibición de entrar ou residir en Torre Pacheco, a retirada do pasaporte, a prohibición de saír do territorio nacional e comparecencias semanais obrigatorias.
O fiscal non pediu manter a prisión provisional
O Ministerio Fiscal, único acusador na causa, non solicitou a ratificación da prisión provisional que decretara inicialmente o xulgado de San Sebastián tras a súa detención.
O mozo fora arrestado pola Garda Civil en Errenteria cando supostamente tentaba fuxir a Francia.
Condena por outro intento de roubo
Durante a súa estancia de case tres semanas no cárcere de Martutene, onde ingresou o 15 de xullo, o mozo foi xulgado por videoconferencia e condenado a un ano de prisión por un intento de roubo con violencia a outro ancián, tamén en Torre Pacheco, dous días antes da agresión principal. Esta causa tramitouse nun xuízo rápido nun xulgado de Cartaxena.
.png)
.png)