Arrestado un home en Cambados por unha agresión con arma branca

Un home foi detido en Cambados por unha agresión con arma branca. O incidente aconteceu a pasada noite na rúa Manuel Murguía, moi preto da casa do concello. O detido é un veciño da provincia de Pontevedra que non reside na propia vila.

Tras a agresión foi detido pola Policía Local. Agora, a Garda civil é a que se encarga da súa custodia ata que pase a disposición xudicial. A vítima é outro home que foi trasladado ao PAC de Cambados. Esta fin de semana a vila celebra a Festa do Albariño.