Unha muller falece tras ser atropelada en Cabana de Bergantiños
A persoa que informou ao 112 manifetsou que a muller fora atropelada no quilómetro 3 da AC-429, no lugar de Cesullas
Os servizos acudiron ata o punto onde se produciu o accidente, aínda que non puideron evitar o falecemento da ferida
Unha muller faleceu este mércores ao ser atropelada por un vehículo en Cabana de Bergantiños. O 112 Galicia informou de que recibiu o primeiro aviso por mor deste accidente uns minutos despois das 11:30 horas desta mañá.
🔴 #AXEGAInforma dunha persoa que perdeu a vida logo dun atropelo en Cabana de Bergantiños.
— 112 Galicia (@112Galicia) December 10, 2025
📍Quilómetro 3 da AC-429, parroquia de Cesullas.
▶️ O #112Galicia recibiu o primeiro aviso despois das 11:30h.
🔗https://t.co/YLDHdXbwHr pic.twitter.com/QiFcwhtO6w
O alertador indicou que unha muller fora atropelada no quilómetro 3 da AC-429, no lugar de Cesullas. O 112 solicitou a intervención do Servizo de Urxencias Sanitarias de Galicia-061, do GES de Ponteceso, da Garda Civil de Tráfico e da Policía Local. Os servizos acudiron ata o punto onde se produciu o accidente, aínda que non puideron evitar o falecemento da ferida.
