Publicador de contidos

O acusado de tirar unha moza da muralla de Lugo di que a deixou soa despois de discutir

O acusado de tirar unha moza da muralla de Lugo di que a deixou soa despois de discutir

Ao presunto autor destes feitos impútanlle os delitos de lesións graves e de omisión do deber de socorro

G24.gal 04/11/2021 14:11

O mozo de 24 anos que fora detido por tirar unha rapaza de 23 dende o adarve da muralla de Lugo foi posto en liberdade con cargos tras pasar a disposición da xustiza.

Supostamente, empuxou a vítima ao baleiro dende unha altura duns 12 metros e marchou do lugar sen prestarlle axuda ningunha. A moza foi rescatada horas máis tarde e ingresou na UCI do HULA en estado grave, con múltiples fracturas nas extremidades e nas vértebras.

Ao presunto autor destes feitos impútanlle os delitos de lesións graves e de omisión do deber de socorro. Na declaración ante o xuíz que decretou a súa liberdade, negou estas acusacións e asegurou que deixara a moza soa no adarve despois de discutir con ela. 

Non se descarta que se trate dunha agresión transfóbica. Se se confirma, engadiríase aos cargos xa existentes un delito de odio.

Publicidade
Publicidade
Publicidade