En estado grave un home tras ser acoitelado na Coruña

A Policía Nacional investiga unha agresión a un home no barrio coruñés do Ventorrillo. O home está ingresado con prognóstico grave na UCI do Complexo Hospitalario Universitario da Coruña.

Cando os servizos de urxencias chegaron ao lugar dos feitos atoparon o home sangrando e con lesións cortantes. Os investigadores aínda non puideron confirmar se as feridas foron producidas por arma branca.

Polo momento non hai ningún detido relacionado co caso. As forzas de seguridade tratan de esclarecer as causas.