Mulattieri revitaliza o Deportivo cun gol e un penalti forzado nos últimos minutos (2-2)
A estrea do italiano resultou inmellorable e permitiulle ao Dépor rabuñar un punto nun partido que tiña perdido
O Leganés foi gañando desde os quince segundos do partido ata o minuto 87
Minuto a minuto
Último partido da xornada 3 na Segunda División co Deportivo buscando a segunda vitoria da temporada a domicilio no campo dun recén descendido, un Leganés que empatou nos primeiros dous partidos
Xa temos as dúas aliñacións
Hoxe xoga o @RCDeportivo
— En Xogo tvG2 (@EnXogo_tvG2) September 1, 2025
🆚 @CDLeganes
🏟️ Butarque
⏰ 21:30
Podedes seguilo en directo en
📻 https://t.co/Xw5xoRTUH1
📲 https://t.co/dUu8XyNrvH pic.twitter.com/eF7jcMSXvG
1-0 Comeza o partido con gol en Butarque!!!! Marca Miguel de la Fuente aos quince segundos de partido. Nefasto inicio do Deportivo
Tivo que ser atendido por un golpe na xogada do gol Germán Parreño pero xa se reanuda o partido
Acción a balón parado do Leganés que acaba con remate de Miguel de la Fuente. O Dépor aínda non entrou no partido
Pase en profundidade cara Yeremay que remata alto. Zakaria estaba en mellor posición e pedía o centro
Yeremaaaay!!!! Recibe de Zakaria e atopa a intervención do porteiro local. Escudero saca o córner que se vai pechando e ten que sacar con dificultade Soriano
Volve aparecer Soriano diante de Villares. Decisivo o porteiro do Leganés nos últimos dez minutos
Proba sorte Loureiro desde fóra da área, marcha desviado
O local Millán remata desviado un centro desde a esquerda
Remate de Loureiro á saída dun córner que marcha alto. Outra achega ofensiva do defensa cercedense
2-0 GOOOL do Leganés. Córner para o equipo madrileño que acaba rematando á rede Duk cun remate cruzado. O Deportivo perdoou e ten o partido moi complicado
Outro bo tiro de Duk desde fóra da área que para Parreño con dificultade
Miguel de la Fuente fai intervir a Parreño. O Deportivo quedou moi tocado despois do segundo gol
Tempo de lecer en Butarque
Stoichkov, Mulattieri e Ximo Navarro ao campo. Saen Arnau Comas, Gragera e Zakaria. Cambia o xeito de xogar o Deportivo
Empeza atacando o Leganés. Disparo de Naim que chapa Parreño
Escudero, de falta, obriga a sacar con dificultade ao porteiro do Leganés
Yeremay controla na área pero remata frouxo ás mans de Soriano
Pase en profundidade cara Naim que lanza ao exterior da rede. Gasta os trocos o Deportivo coa entrada de Luismi e Patiño
2-1 GOOOOOOL DE MULATTIERI. Centra Mella desde a esquerda e estrease o italiano cun gol
Acción individual de Juan Cruz que culmina cun lanzamento moi alto
Remate en boa posición pero desviado e moi defectuoso de Stoichkov
2-2 GOOOOOOL DE YEREMAY. Marvel agarra a Mulattieri e o colexiado asubía penalti. O canario non perdoa
Puido marcar Juan Cruz para o Leganés ... e Yeremay na contra para o Deportivo
Final do partido. O Deportivo saca un punto nun partido que tiña moi costa arriba no minuto 72
