Elaboran unha tortilla xigante para promocionar a pataca de Xinzo de Limia
A terceira feira agrícola Alimagro aposta pola profesionalización do sector agrícola
A Limia é a maior produtora de patacas de Galicia, con 3.500 hectáreas sementadas
Hai preocupación entre os agricultores pola diminución da colleita por mor da seca
Na terceira edición da feira Alimagro, que se clausura ás 21:00 horas, Xinzo de Limia aposta pola profesionalización do sector agrícola converténdose nun escapatate de maquinaria, produtos fitosanitarios e industria da pataca frita, da que son todo un referente.
Ademais, este ano elaboraron unha tortilla xigante para promocionar o seu produto con máis sona: a pataca. Foi todo un reto darlle a volta, para o que unha empresa local deseñou unha tixola con tapa.
Para facela, precisaron 1.000 ovos, 150 quilos de patacas da Limia e 25 de cebola. E a xente que a probou deulle o visto e prace á receita.
Con 3.500 hectáreas sementadas, A Limia é a maior zona produtora de pataca en Galicia e comercialízase en toda España. Comezarán o forte da súa colleita a partir de mediados deste mes, coa preocupación de como vai reducir a seca a produción este ano.
