Dúas persoas morren e tres resultan feridas graves nun accidente en Huesca
O accidente produciuse no municipio de Ilches, onde chocaron unha furgoneta e un camión
Os tres feridos foron trasladados ao Hospital de Barbastro (Huesca) e o condutor do camión resultou ferido leve
Imaxe de accidente na A-1223 /Fonte: Garda Civil
Dúas persoas que viaxaban nunha furgoneta faleceron e outras tres resultaron feridas de gravidade, entre elas o condutor, tras chocar contra un camión este martes na estrada A-1223, á altura municipal de Ilche (Huesca). O condutor do vehículo pesado sufriu feridas leves, segundo informou a Garda Civil.
O sinistro produciuse arredor das 8:45 horas no punto quilométrico 9 da vía que conecta os municipios de Monzón e Poleñino. Os tres feridos graves foron trasladados en ambulancias medicalizadas do 061 ao Hospital de Barbastro.
Os falecidos serán trasladados ao Hospital Provinical de Husca, sede do Instituto de Medicina Legal. Mentres, a estrada A-1223 continúa totalmente cortada ao tráfico e habilitouse un itinerario alternativo para autovía A-22 e a estrada N-240.
Ata o lugar desprezáronse efectivos da Garda Civil, bombeiros, servizos sanitarios e persoal de mentemento de estradas. O equipo de sinistros viarios da Garda Civil de Huesca investiga as causas do accidente.
