Dous detidos nunha operación antidroga na Coruña

A Policía Nacional desartellou esta mañá un punto de venda de droga. Foi no baixo do número 5 da rúa San Xosé, moi próxima á praza de España.

A Policía Nacional desprazouse ata alí con cans adestrados na procura de substancias estupefacientes e realizaron unha redada antidroga. Os axentes prenderon dúas persoas e non se desbota que nas próximas horas haxa novas detencións.

Trátase dun dispositivo máis dos que se están a realizar na cidade nos últimos meses co obxectivo de desartellar os puntos de venda de droga polo miúdo.