Dous acertantes da Bonoloto gañan máis de dous millóns de euros en Silleda e por Internet
Os premiados validaron os boletos nunha administración de Pontevedra e na canle oficial en liña
Un segundo premio, vendido en Vedra
Gustavo, o xerente da administración número 1 de Silleda recibiu a nova onte á noite a través dunha coñecida. Este venres agardaba como auga de maio a chegada da cartelería procedente da delegación territorial de Loterías do Estado en Vigo, e poder lucir no escaparate o maior premio individual que repartiron na historia da administración. Algo máis de 2 millóns de euros do sorteo da Bonoloto de onte.
Ao longo da maña achegáronse clientes para verificar os seus boletos, pero ningún era o afortunado millonario. Iso si, todos manifestaron a satisfacción de que o premio tocara en Silleda.
Algo no que tamén confía o xerente da Administración que prefire que os cartos queden na localidade.
O sorteo da Bonoloto de onte tamén deixou un premio de 38 mil euros en Santa Cruz de Ribadulla, no concello de Vedra.
