Domingo de tendas abertas para as compras de Nadal

Moitos negocios e superficies comerciais abren este domingo para facilitar as compras do Nadal. Algúns buscan os produtos para os menús da Noiteboa e o Nadal, outros andan á procura das encargas de Papá Noel e en xeral buscan que non falte ningún detalle para as celebracións da semana que vén.

Tamén hai quen viu por dar unha volta e fuxir do frío que deixa a primeira mañá do inverno.

"Como teño o domingo libre, veño de Chiclana a ver a familia e agora vou facer compras do Nadal. Os agasallos do Nadal", conta unha muller.

"Un xogo de mesa, que ao meu amigo encántanlle e pensei nel automaticamente. E vou dar unha volta a ver se vexo algunha cunca, que teño en mente alguén que toma moito café", engade un mozo. 

"Pola semana é máis difícil e aproveitamos para dar unha volta, ver as tendas novas e as últimas compras de Papá Noel, antes de que chegue", explica outra compradora.

"Viñemos mercar a roupa para fin de ano", di unha rapaza. 

"Últimas compras, cambios, devolucións... aproveitar o domingo que non vai moi bo tempo", afirma outra clienta do centro comercial.

"Aproveitar para mercar roupa e as últimas cousas para o Nadal. Tamén premios polas boas notas", revela unha nai xunto a súa filla. 

Un día de tendas abertas para as compras de última hora que se vai repetir a próxima fin de semana para os preparativos da Noitevella.