Do folk de Ortigueira ao polbo de Mugardos, as grandes citas da fin de semana
O Festival Internacional do Mundo Celta lidera unha axenda que inclúe PortAmérica, o Vigo Sea Festa e as celebracións da Virxe do Carme
Artistas como Juan Luis Guerra visitan Galicia para completar unha axenda con propostas para todos os públicos
Festival Ortigueira
A segunda fin de semana de xullo chega cargada de propostas en toda Galicia. A música volverá ser a gran protagonista con festivais e referencias como o Festival de Ortigueira ou PortAmérica, aos que se uman grandes concertos e numerosas festas gastronómicas e tradicionais repartidas por todo o territorio.
Música
Festival Internacional do Mundo Celta de Ortigueira (Ortigueira, do 9 ao 12 de xullo): a vila coruñesa volve converterse na capital da música celta cun programa que reúne artitas internacionais, concertos gratuítos, pasarrúas e actividades paralelas.
PortAmérica (Portas, 9 ao 11 de xullo): o festival combina musica e gastronomía cun cartel ecabezado por artistas como Hombres G, Dani Martín, Amaia ou Xoel López.
Rock in Río Tea (Ponteareas, 10 e 11 xullo): o festival regresa cunha nova edición dedicada ao rock e á música en directo.
Carlos Rivera (A Coruña, 11 de xullo): o cantante mexicano actuará dentro da programación dos Concertos do Xacobeo.
Feid (Santiago de Compostela, 11 de xullo): o artista colombiano presenta o seu FALXO TOUR na Cidade da Cultura.
Yandel Sinfónico (A Coruña, 12 de xullo): o portorriqueño ofrecerá un espectáculo que mestura os seus grandes éxitos cunha orquestra sinfónica.
Juan Luis Guerra, Elvis Crespo e Gente de Zona (Sanxenxo, 12 de xullo): tres referentes da música latina compartirán escenario nun dos concertos máis destacados da fin de semana.
O Gozo Festival (11 de xullo): o Monte do Gozo acolle artistas interacionais como Martin Garrix ou Maroon 5 nesta nova edición do fesitval.
Gastronomía
Festa do Polbo de Mugardos (Mugardos, 11 de xullo): a cita gastronómica rende homenaxe ao polbo á mugadersa con degustacións e actuacións musicais.
Vigo SeaFest (Vigo, do 9 ao 12 de xullo): o festival do mar reúne gastronomía, concertos e actividades para divulgar a cultura mariñeira e o consumo de produtos do mar.
Festa da Cigala (Vigo, do 10 ao 12 de xullo): a cigala será a protagonista dunha nova edición desa cita gastronómica.
Festas dos Callos de San Bieito (Allariz, 11 e 12 de xullo): a gastronomía tradicional volverá ser o eixo desta celebración.
Tradición
Virxe do Carme (Marín, do 11 ao 16 de xullo): a vila celebra unha das súas festas máis multitudinarias con actos relixiosos, procesión marítima, concertos e verbenas.
Romaría Virxe do Porto (Meirás-Valdoviño, 10 ao 12 xullo): a romaría reunirá os residentes da vila arredor dunha das celebracións máis populares da comarca.
