Día grande nas festas do San Froilán con milleiros de visitantes

Lugo recuperou hoxe toda a esencia das festas do San Froilán no día do seu patrón.

O tempo solleiro encheu as rúas durante todo o día.

E é que os visitantes, pero sobre todo os veciños de Lugo, xa tiñan ganas de volver desfrutar das festas coa normalidade de antes da pandemia.

Sen dúbida, onde máis se percibiu a xornada grande foi nas casetas do polbo.

Estiveron ateigadas dende as doce da mañá sen case interrupción entre o xantar e a cea.

Esta é unha das tradicións que mellor identifican o San Froilán e volveu con toda a forza.

A festa non para, e este xoves están programadas nove actividades principais, ademais das permanentes, e ducias de secundarias.

E é que hai ganas dunha festa que aínda vai durar unha semana.