Publicador de contidos

Publicador de contidos

Devólvenlle os 520 euros que atopou na rúa porque non os reclamaron

Devólvenlle os 520 euros que atopou na rúa porque non os reclamaron

Ás veces ser bo cidadán leva premio!

G24.gal 07/02/2023 13:55

Que farían vostedes se atopan unha carteira con 500 euros e sen ningunha identificación? Unha veciña de Pontevedra non o dubidou e entregouna na policía. Agora, pasados dous anos sen que ninguén a reclamase, acaban de entregarlle os cartos que atopou.

Foi en 2019 cando María Elisa atopou a carteira na rúa. "Collina, vin que tiña un montón de billetes, pero ningún tipo de documentación nin tarxeta. O primeiro que me pasou pola cabeza foi entregala para que o dono a reclamase", explica.

Hai só uns días que a Policía Local de Pontevedra lle entregaba a carteira cos cartos. Ninguén a reclamara neste tempo e segundo conta soubo entón que hai un prazo legal de dous anos. Se nese tempo non a reclama ninguén, é propiedade de quen o atopou.

Di que nunca dubidou de que fixera o correcto ao entregar a carteira. Pensaba no propietario: "Podía ser de alguén que ía facer un pago. Creo que non é habitual levar tantos cartos na carteira e púxenme na súa pel e doía. Por un lado estou contenta porque é un agasallo pero por outro síntoo pola persoa que o perdeu".

Di que a súa decisión lle permitiu durmir tranquila. Xa sabe en que gastará agora os cartos: "Levo bastante tempo sen vacacións e vai axudar para que este verán poida ir cos meus fillos a relaxarme. Foi un agasallo e vouno gozar como tal...".

Publicidade
Publicidade
Publicidade
Publicidade
Pódeche interesar