Detidos dous escaladores rusos por ascenderen sen permiso polo Empire State

En Nova York aínda están investingando o clamoroso fallo de seguridade que permitiu que unha parella escalase ata a cima do mítico rañaceos Empire State Building.

Subiron enmascarados e sen ningunha medida de seguridade. Unha vez empoleirados na antena que coroa o edificio, despregaron unha pancarta cunha mensaxe de amor e paz no mundo... e despois, el axeonllouse diante dela e amosoulle un obxecto, no que semella ser unha pedida de matrimonio.

Os dous intrépidos amantes son unha parella de coñecidos escaladores urbanos rusos. Foron detidos ao chegaren abaixo e non opuxeron resistencia.