Rescatan un escalador que caeu dunha altura de 12 metros en Gondomar

Un particular deu aviso ao 112 contra as 12:00 horas da caída dun escalador na Serra do Galiñeiro, en Vincios, nun lugar coñecido como As Verticais. 

O home, por causas que se descoñecen, caeu desde unha altura duns doce metros e quedou inconsciente nunha zona de difícil acceso. 

Axiña mobilizouse o helicópetro Pesca 2 para tratar de rescatalo.

Ademais, interviron o Servizo de Urxencias Sanitarias de Galicia-061, os Bombeiros do Morrazo, o GES de Val Miñor, a Garda Civil e a Agrupación de Voluntarios de Protección Civil de Val Miñor.