Detido un home por acoitelar outro na Coruña
No momento o agresor fuxiu, pero as investigacións policiais levaron á súa detención ás poucas horas
A vítima foi trasladada ao hospital, onde foi intervida de urxencia
Un home foi detido esta mañá por, presuntamente, acoitelar outro, no transcurso dunha lea na zona dos Castros.
Segundo fontes policiais próximas ao caso, os feitos tiveron lugar arredor das 6:30 horas. Durante unha discusión entre dous homes, un deles acoitelou cun coitelo, ou arma semellante, a outro.
Tras acordar a zona axentes da policía procederon a reunir probas entre os veciños e propietarios de locais hostaleiros para investigar o acontecido.
A vítima, un home de orixe magrebí, perdía moito sangue. Foi traslado ao CHUAC, onde foi intervido de urxencia. O seu prognostico é reservado.
Axentes de criminalística rexistraba esta mañá un punto de venda de drogas situado nun piso da rúa Miramar que podería ter relación co suceso.
Os veciños da zona din que é habitual ver drogodependentes no barrio.
No momento o agresor fuxiu, pero as investigacións policiais levaron á súa detención hai poucas horas. Está previsto que pase a disposición xudicial ao longo da xornada do venres.
