Detido por roubar ao seu excompañeiro de piso en Lugo figuras dos Cabaleiros do Zodíaco valoradas en 14.000 euros

A Policía Nacional detivo un individuo por roubarlle ao seu antigo compañeiro de piso un total de 164 figuras dos Cabaleiros do Zodíaco valoradas en 14.000 euros. Os efectos foron recuperados e devoltos ao seu dono.

Nun comunicado, a Policía explica que as figuras de coleccionismo desta coñecida serie de anime foron subtraídas dun rocho da cidade. O detido, que se enfronta a un presunto delito de furto, vendeu o lote, xunto con outros efectos subtraídos, a unha tenda de segunda man.

A actuación policial iniciouse tras avisar o dono da colección que atopara os artigos postos á venda nun establecemento de segunda man da cidade.

Os investigadores comprobaron as operacións de venda e procederon á intervención dos efectos, que foron retirados da comercialización, e procedeuse á detención do presunto autor.