Colle o bus en Lugo, agrede o condutor en Vilalba e préndeno en Foz

Colleu o bus en Lugo, agrediu o condutor en Vilalba e prendérono en Foz. O home comezou por rifar co chofer porque pensou que perdera a conexión coa Mariña, unha conexión que xa non existe.

A cousa foi a máis, e na estación de Vilalba deulle unha puñada na cara ao condutor e tirouno ao chan. A vítima tivo que ser atendida por un corte nunha cella, que precisou sutura, e por abrasións no xeonllo. 

Denunciou os feitos. A Garda Civil localizou o suposto agresor en Foz e foi detido por un presunto delito de lesións. Tiña antecedentes por feitos similares.