Publicador de contidos

Publicador de contidos

Deteñen na Coruña 'o atracador da bicicleta'

Deteñen na Coruña 'o atracador da bicicleta'

Desprazábase en bicicleta pola cidade buscando vítimas, abordábaas, sacaba unha navalla e ameazábaas para roubarlles o que levaran enriba 

O sospeitoso, considerado moi violento pola policía, xa está no cárcere O sospeitoso, considerado moi violento pola policía, xa está no cárcere
G24.gal 29/11/2022 13:48

O individuo, de 35 anos, asaltaba as vítimas cun coitelo. Desprazábase en bicicleta pola cidade buscando vítimas. Abordábaas, ameazábaas e esixíalles a entrega de todos os obxectos de valor que levasen encima. Logo desaparecía.

Os policías que o detiveron considérano un delincuente perigoso e violento que sempre atacaba as súas vítimas mostrándolles un coitelo.

Axentes do distrito sur sospeitaban que o home cometera, polo menos, tres asaltos: un en Monelos, outro na zona de Catro Camiños e un terceiro roubo sobre a pasarela peonil que cruza a avenida de Alfonso Molina, á altura da estación de San Cristóbal.

Coa descrición que achegaran as vítimas, o 091 despregou un operativo que se prolongou durante días para dar co paradoiro do individuo ata capturalo.

Está acusado de tres delitos de roubo con violencia e intimidación, e declarou no xulgado de garda. Agora está ingresado no cárcere de Teixeiro.

Publicidade
Publicidade
Publicidade
Publicidade
Pódeche interesar