Detido na Coruña o presunto líder dunha trama de suplantación de identidades
O home adquiría estes datos persoais para facer apostas deportivas
A Garda Civil identifica polo menos 37 vítimas e investiga outras dúas en Tarragona
A Garda Civil de Valladolid desarticulou unha trama criminal dedicada á suplantación de identidades para abrir contas bancarias e realizar apostas deportivas, coa detención na Coruña o presunto responsable de organzación e a investigación doutras dúas persoas en Tarragona.
A investigación comezou tras a denuncia dun cidadán que recibiu unha notificación da Axencia Tributaria en que se lle atribuían ganancias procedentes de apostas deportivas que aseguraba non ter realizado.
Falsas ofertas de emprego
A organización utilizaba principalmente falsas ofertas de traballo para captar vítimas. Durante os supostos procesos de selección, solicitábanlles copias dos documentos persoais e vídeos ou autofotos para verificar a identiade.
Unha vez obtida esta infromación, os integrantes da trama utilizábana para abrir contas bancarias, contratar liñas telefónicas e rexistrar identidades de terceiros en plataformas de apostas e xogo en liña.
Os investigadores identificaron ata o momento 37 vítimas, catro delas en Valladolid. Parte das contas terían sido empregadas para recibiri e mover fondos procedentes de actividades ilícitas e dificultar o seu seguimento.
17 tarxetas telefónicas
O presunto líder da organización, veciño da Coruña e administrador dunha empresa de telecomunicacións, tería utilizado un establecemento comercial para activar de forma ilícita polo menos 17 tarxetas telefónicas de prepago con identidades de terceiros.
A investigación continúa aberta para determinar o alcance da trama, identificar novas vítimas e esclarecer a participacións das persoas implicadas.
