Detidas tres persoas na Coruña por simular falsos alugueiros

Detidas tres persoas na Coruña acusadas de estafa por simular falsos alugueiros. 
Segundo as investigacións policiais, contactaban coas vítimas a través de webs inmobiliarias e pedíanlles cartos para poder poñer en marcha as operacións. Cando o conseguían, xa non volvían ter máis contacto. Tamén están acusados de falsidade documental.

Polo momento, xa foron localizadas seis persoas ás que lles usurparon a identidade, para poder mercar teléfonos móbiles e material informático e usalos nas estafas. A operación continúa aberta e non se desbota que poida haber máis afectados.