Detido un home por ferir a outro cunha botella en Santiago
A investigación estará baixo a policía nacional
Tres horas antes, na mesma zona, rexistrouse outra pelexa multitudinaria
A policia local de Santiago detivo o presunto autor duha agresión cunha botella este domingo no ensanche da cidade.
Os feitos producíronse sobre as 14:00 horas na Rúa Fernando III O Santo, cando deu comezo unha liorta entre varias persoas.
Segundo fontes municpais, a pelexa acabou cun ferido leve por un botellazo. A persoa foi trasladada ao Complexo Hospitalario Universitario de Santiago (CHUS) en ambulancia.
A investigación estará baixo a Policía Nacional.
Liorta anterior na mesma zona
Tres horas antes, na rúa Fernando III O Santo, fronte ao pub Stilo, enfrontáronse seis persoas contra outra que rematou no chan onde quedou tendida. Segundo o Concello, non teñén conexión ambas as liortas
Segundo as testemuñas da pelexa os participantes estaban claramente perxudicados pola inxesta de alcol.
Ata o lugar desprazáronse varias patrullas da policía. O corpo policial acabou identificando a dúas das persoas involucradas.
