Desmantelan un grupo que utilizaba menores con patíns eléctricos para repartir droga en Sevilla

Servizo de tele-coca na localidade sevillana da Algaba, 24 horas ao día e con repartición a domicilio por medio de patíns eléctricos e bicicletas roubadas. Era o modus operandi da organización especializada na distribución de drogas e tabaco de contrabando no último golpe contra o narcotráfico en Sevilla. A operación saldouse con 26 detidos.

O grupo, que utilizaba menores para facer as entregas con este medio de transporte e evitar controis policiais, conforme informa a Garda Civil, usaba grupos de mensaxería instantánea para avisar da presenza policial. Tomaban moitas medidas de seguridade para a distribución.

Estaban asentados nas localidades sevillanas de Pilas, Aznalcázar e Aznalcóllar, onde mantiñan abertos distintos puntos de venda e distribución.

O comezo das investigacións remóntase a varios meses atrás cando se detectaron distintos delitos contra as persoas, enfrontamentos a tiros e axustes de contas, entre outros con intentos de fuga de vehículos.

Os investigadores descubriron que a organización tiña unha rama en Alacant, onde os narcos mercaban clonacepam, un medicamento prescrito principalmente a toxicómanos. Enviaban a substancia a Marrocos, onde o prezo se duplica, e cociñábana con haxix para elaborar "Karkubi", que despois introducían en España.

Trátase dunha nova droga que xera un risco para a saúde, xa que afecta ao sistema nervioso central do que a consome e provoca alucionacións e alteracións na conduta.

Nos rexistros efectuador por 200 axentes lcalizáronse 430 pastillas de clonacepam, máis de 200 gramos de cocaína, heroína, cogollos de marihuana, haxix, tabaco picado e 6.700 paquetes, ademais de armas, básculas, 20.000 euros en efectivo, vehículos e patíns.