Desmantelan en Granada un laboratorio que fabricaba unha alternativa ilegal aos esteroides

A Garda Civil e a Policía Nacional, nunha operación conxunta denominada Kapli-Sansón, desmantelaron unha organización criminal dedicada á importación, fabricación e distribución a grande escala de anabolizantes.

Os SARMS (Moduladores Selectivos dos Receptores de Andróxenos) son medicamentos con efectos anabolizantes que os investigados importaban en po desde terceiros países, para posteriormente elaboralos e distribuílos en estado líquido no interior de envases de formato goteiro.

Valíanse da colaboración dun laboratorio, situado en Granada, onde mesturaban o produto cos excipientes necesarios que o facían apto para o seu consumo.

Ofertaban o produto nunha páxina web e nas redes sociais, onde diferentes perfís de adestradores persoais e fisioculturistas os promocionaban de forma activa para mellorar as capacidades físicas ou deportivas.

Rexistros en Castelló, Granada e Madrid

Os axentes detiveron cinco persoas e outras cinco están investigadas, realizaron seis rexistros e lograron a  incautación de  10.000 goteiros con SARMS listos para a súa distribución, así como numeroso material utilizado para a súa fabricación, acondicionamento e envío, e 30.000 euros en efectivo.

Os rexistros fixéronse en Castelló, nunha empresa loxística de Madrid e nun laboratorio de Granada. Dos rexistros realizados en Castelló, hai que destacar o dun ximnasio onde os axentes localizaron unha gran cantidade de SARMS xa preparados para a súa venda e distribución, así como inxectables, botes e xiringas doutros medicamentos anabolizantes esteroides.

A investigación iniciouse en 2022 cando se tivo coñecemento da existencia dunha organización criminal presuntamente dedicada á importación, fabricación e distribución de medicamentos denominados Moduladores Selectivos dos Receptores de Andróxenos (SARMS) cuxa distribución está prohibida en España.

No laboratorio granadino realizaban a primeira fase de acondicionamento dos medicamentos: o envasado en frascos goterio, a colocación da correspondente etiqueta e a súa introdución nas caixas co formato deseñado polo cliente. Unha vez preparados os goteiros, os investigados enviábanos a empresas de loxística que se encargaban da preparación final dos paquetes para envialos aos receptores situados na península, as illas Canarias e distintos países da Unión Europea.

#OperacionesGC | Desarticulada una organización criminal dedicada a la importación, fabricación y distribución a gran escala de #SARMS

👉Ofertaban el producto vía web y RRSS

➡️5 personas detenidas
➡️Incautados: 10 000 goteros y 30000€ en efectivohttps://t.co/sBGgdUHG0w pic.twitter.com/zQ1ZfHiRBN

— Guardia Civil (@guardiacivil) May 27, 2023