Descubrindo a Serra da Enciña da Lastra, natureza mediterránea en Galicia

Entre as sorpresas que nos ofrece o territorio galego podemos atopar unha paisaxe cun clima diferente, un parque natural á beira do Sil dominado por árbores mediterráneas.

Debuxan tamén o seu perfil as rochas calcarias de formas particulares, con covas ás que chaman palas e formacións verticais que acollen niños de aves coma o voitre branco.    

Ademais, a Enciña da Lastra alberga tamén a maior concentración de orquídeas salvaxes do país, con case 30 especies.