Descobren que 'The Wall', o primeiro videoxogo galego, é de 1986
Descobren que 'The Wall', o primeiro videoxogo galego, é de 1986
Un ourensán, Álex González, achegouse ata o museo especializado de Cangas con toda unha descuberta: un videoxogo que el creou no ano 1986, dez anos antes
Álex Gonzalez pode xogar hoxe na Fundación Museo do Videoxogo, en Cangas, cunha consola, unha especie de miniordenador, do ano 1986. Con el, fixo case por casualidade -cando caeu nas súas mans un libro de programación- o primeiro videoxogo feito en Galicia.
Sábese porque foi ao museo para comprobar se o tiñan e constataron non só que non estaba catalogado senón que o verificado como primeiro databa de 1997. Empeza aquí a mostra para coñecer a historia de The Wall, o, agora si, primeiro videoxogo galego.
No ano 1986 Álex González chegou a Madrid co videoxogo e, despois dun atranco inicial e froito da súa perseveranza e estudo en programación, mellorouno e acabou vendéndoo. Na Fundación Museo do Videoxogo de Galicia decidiron facer unha mostra que conte a historia do videoxogo e que calquera poida xogar con el, por iso, é unha mostra interactiva. Calquera pode xogar ao videoxogo de Álex cun dispositivo orixinal da época.
Pódese visitar no horario habitual do MUVI, o Museo Do Videoxogo de Galicia, os sábados, de 16:30 a 21:00 horas.
