Desbordamento de augas fecais nunha urbanización da Coruña de recente construción

Asolagadas de augas fecais. Así quedaron varias vivendas dunha urbanización de recente construción do barrio coruñés da Gaiteira. A propietaria dunha desas vivendas entrou a vivir nela hai dous meses e agora vese na obriga de buscar outro fogar mentres non arranxen o seu. Seu pai, dono da vivenda lindeira e tamén afectada, estaba en pleno proceso de mudanza.

As augas fecais afectaron tamén as zonas comúns, os garaxes e algún rocho. Despois souberon que a orixe do problema estaba na rede de saneamento, de titularidade municipal.

Agora, a comunidade de veciños vai presentar unha reclamación ao seguro para que faga un estudo pericial para, probablemente despois, esixirlle responsabilidades ao Concello.