Publicador de contidos

Publicador de contidos

Desartellan un clan que vendía cocaína nunha casa ocupada en Lugo

Desartellan un clan que vendía cocaína nunha casa ocupada en Lugo

Dous detidos de 20 anos na operación, que continúa aberta

G24.gal 01/09/2022 12:57

Unha redada contra o tráfico de droga desenvolvida en Lugo acabou coa detención de dous mozos que presuntamente vendían cocaína nunha casa ocupada no barrio da Milagrosa. A operación contra este clan familiar levouse a cabo coa participación cidadá, xa que os movementos sospeitosos polo inmoble fixeron que os veciños alertasen a policía.

Manuel Arias, voceiro da comisaría de Lugo: "Dábanse conta de que había un deambular permanente de persoas con aspecto de toxicómanas. Alertaron a comisaría e déuselle pulo a unha investigación xa agromada, posto que se sospeitaba do uso das casas ocupadas como narcopisos".

Os detidos, ambos de 20 anos e un deles con antecedentes, eran supostamente os líderes do clan. Unha vez desartellada esta banda, a operación continúa aberta e a policía segue investigando outras casas ocupadas de xeito ilegal no mesmo barrio.

Manuel Arias, voceiro da comisaría de Lugo: "Desartellouse o punto e fixéronse varias intervencións de substancias estupefacientes. Non queda pechada a operación, senón que se segue comprobando que non haxa máis vivendas ocupadas co mesmo fin".

Tras pasaren á disposición da Xustiza, os detidos foron postos en liberdade con cargos.

Publicidade
Publicidade
Publicidade
Publicidade