Desaloxados varios veciños no centro de Mondoñedo por mor do incendio nunha vivenda
O lume calcinou por completo unha casa antiga de tres andares que tiña todo o interior de madeira
A casa tiña outras vivendas lindeiras habitadas polas que se temeu nun principio
Incendio nunha vivenda antiga do centro de Mondoñedo a primeira hora desta mañá de domingo. Contra as 7:20 horas varios veciños alertaron a Emerxencias de Galicia de que saía moito fume no centro urbano da vila, en concreto na rúa Pardo de Cela.
Segundo lle relatou a Televisión de Galicia Manuel Lampón, cabo dos bombeiros de Barreiros, a casa era unha construcción antiga de paredes de pedra moi anchas pero totamente de madeira no interior: o que provocou que as lapas se espallases rapidamente. A casa, de tres andares, quedou totalmente calcinada.
Nun principio temeuse que o lume se extendera cara as dúas vivedendas lindeiras que estan habitadas, polo que consideraron necesario desaloxar aos residentes. Entre os desalosados estaba unha persoa con mobilidade reducida, que segundo relatou o Cabo dos Bombeiros de Barreiros xa fora desaloxada pola familia e veciños.
O lume foi tan voraz que cando chegaron os bombeiros o teito da vivenda calcinada xa estaba colapsado.
Amáis dos bombeiros de Barreiros tamén se desprazaron ao lugar do incendios a Garda Civil e Protección Civil. Olume axiña quedou controlado e as 11 da mañá xa non había peligro segundo explicou o cabo Lampón. Aínda así, ao longo do domingo manterase un retén para arrefriar a vivenda e evitar que as lapas se reaviven.
